Skip to content

شهادة أقارب الشهيد شنودة نصحي

Shenouda Nosshy’s relatives’ testimony in English


الفيديو تم التقاطه من أمام المستشفى القبطي يوم الاثنين 10 أكتوبر بحسب الممصور\الناشر, و مدته دقيقتان و 29 ثانية
نص الحديث:
شخص يبدو أنه والد شنودة, باكياً (و صوته غير واضح بسبب البكاء): راسه مكسورة نصين يا ولاد, داسوا عليه بالدبابة يا ولاد, آه يا شنودة, آه يا شنودة..
شخص يقول دم شنودة مش هيروح هدر, وصوت المحاور يسأل عن أحد آخر يعرفه, فيجيبه شاب بأنه يعرفه, فيطلب منه المحاور الحديث لأن من الواضح أن الوالد ليس في حالة تسمح بذلك, فيرد القريب هاتكلم مكانه
المحاور: احكي اللي حصل معاك انت
القريب: شنودة راح المظاهرة..
المحاور: انتوا منين أصلا ؟
القريب: من المنيا
المحاور: جيتوا المظاهرة منين ؟
القريب: من مغاغة من قرية اشنين
المحاور: جيتوا المظاهرة منين ؟
القريب: طالع من المظاهرة هو و جوز أخته من الدوران بتاع شبرا, اتجابل هو و جوز أخته في شوبرا
المحاور: هم قاعدين في شبرا يعني ولا كان جاي مخصوص عشان المظاهرة
القريب: هو ساكن في العمرانية, و اتجابل هو و جوز أخته في شوبرا, ومشيوا مع بعض رايحين ماسبيرو, الضرب اشتغل كله كله جري, جوز أخته جري و هو جري, جيت مستشفيات البلد كلها النهاردة حتى مشرحة زينهم رحتها, مش هناك, تالت مرة آجي و أشوف الجثة و معرفهاش, دايسين عليه بالعربية على راسه
المحاوري: يعني انتوا لحد دلوقتي ملقتوهوش ؟
القريب: أهه جوه, أمه تقول داقق صورة مار جرجس, داقق صورة مار جرجس, فيه حظاظة في إيده, فيه حظاظة في إيده, لابس شراب أبيض, لابس شراب أبيض
شخص يسأل عن الطريقة التي مات بها, و يتسائل إذا ما كانت بسبب سكتة قلبية
القريب: ده منداس على راسه, خش صور
الشحص الآخر: آه هو ده فعلاً شنودة اللي داست عليه الدبابة.. مدرعة الجيش
وشه مفحور وراسه مفتوحة من ورا العضم مخه طالع كله, جوه هو شنودة نصحي عطية رزق, من مغاغة من المنيا من قرية اشنيه[..]
سيدة مسنة بالخلف (يبدو أنها أيضاً من الأقارب): مش عارفين
المحاور: يعني انتو اتعرفتوا عليه مش من شكله ؟
القريب: اتعرفنا بالأستك اللي في إيده, بالصورة, بالشراب, بالقميص أمه قالت لابس قميص أبيض, الست طبعاً هنا مخليين عينه مغطي مغطيينه بقميص أبيض, فاهم, مغطيينه بشاشة بيضا كده, رحت إيه عايزين نشوف لبسه فين, جابولنا لبسه هو لبسه
المحاور: حاجة تاني عايز تقولها ؟
القريبة المسنة: مش عارفينه
القريب: من ربنا جه و من ربنا اخده[..]

طوال الفيديو يظهر صوت الوالد بكلمات مثل اه يا حبيبي, يا غالي, راسه مشجوجة نصين, داسوا على راسه بالدبابة

نشر يوم 10 أكتوبر على قناة man9ourmohamed على موقع يوتيوب بعنوان “Maspero Martyrs 9-10 – شهداء ماسبيرو.mp4”.
بوصف:

من امام المستشفي القبطي يوم الانثنين 10 اكتوبر شهادة احد اقارب الشهيد شنودة نصحي عطية رزق الذي دهسته مدرعات الجيش المصري -الاحتلال- امام ماسبيرو يوم 9 اكتوبر ولم يستطع اهله التعرف عليه سوي عن طريق الحظاظة والوشم في ذراعه والشراب بعد طمس معالم وجهة تماما .. حالة انهيار تام ويختم شهادته ب: من ربنا جه ومن ربنا اخده

حسبي الله ونعم الوكيل

تصوير منصور محمد
http://twitter.com/#!/mansour_mohamed
هبة ابو سمرة

اكتب تعليقُا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: