Skip to content

شهادة رامي يوسف

هذة هى شهادتى انا رامى يوسف و قد اخرجنى الله بمعجزة من هذة الموقعة

وصلت دوران شبرا الساعة ٣,١٥ و الاعداد كانت كويسة بتاع ٥٠٠٠ و بعد كدة بداء التحرك الساعة ٤,٠٠ لما وصلنا محطة المسرة كان اخر المسيرة لسة فى الدوران لاننا كنا مشيين براحة و عرفنا ان العدد حوالى ٢٠,٠٠٠ الف حصلت ٣-٤ مرات احتككات طفيفة من ناس فردية اقدر اقول انهم كانوا مضيقين مننا و شتمونا بس عدت الحاجات دى عادى و بسرعة

ندخل فى اهم جزء عند موقف احمد حلمى القديم و احنا تحت الكوبرى بداء رمى الطوب علينا و مردناش على طول على امل ان الناس تستنضف بس زادو اضطرنا نرد عليهم بالطوب و فعلا ٣ دقائق و هربوا جوة العشوائيات و كملنا جرى لحد شارع رمسيس و قفلنا الشارع لحد لما المسيرة كلها دخلت و وصلنا عند اول شارع ماسبيرو كل حاجة تمام و فضلنا ماشيين لحد لما شوفنا ناس واقفه بتهتف معانا عند بداية بوابات مبنى ماسبيرو

و حيونا و هتافنا اول هتاف لمدة ٣٠ ثانية بالظبط و مرة واحدة طلع الشرطة العسكرية و الامن المركزى علينا بغباوة لما اكتشفوا ان المسيرة ٢٠ الف

بعد الكرر و الفرر ب ٥ -١٠ دقائق النور قطع و بدات المدرعات الضرب بالنار من رشاشات المدرعات و دهس المتظاهريين

المجند اللى دهس ٧ متظاهرين و فقد توازن المدرعة و اتقلبت منه احنا طلعناه و اكاد اجزم لولا ابونا حاش معانا كان زمانه مات

و فى مدرعة مسكت فى الرصيف اللى بين الاتجهين و الناس اعدو ضربوا فيها بس احنا طلعنا الجنود اللى فيها

بالنسبة لموضوع التكسير دة اكتشفت انه ادمان عند الشعب لانه بينضرب ومش عارف يضرب

اهم جزء هو شهاتى اللى هقولها فى النيابة ان كان جمب رجلى مخ انسان دهس و بعديها ب ٣٠ دقيقة كنت واقف فى حتة بعيدة اوى عن الضرب و قدامى شاب مرة واحدة وقع و طلع خد رصاصة فى ظهره و شيلته انا و مجموعة و ودناه للاسعاف و لو مكنش هو واقف كنت انا اللى خت الرصاصة


نشرت يوم 10 أكتوبر الساعة 18:42 مساءاً على صفحة الشاهد على فيسبوك بعنوان “شهادتى عن احداث ماسبيرو يوم الاحد”.

Advertisements
اكتب تعليقُا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: