Skip to content

شهادة راجي الكاشف

Ragy El-Kashef’s Testimony in English

بسم الله و الوطن الغالي مصر

كنت قاعد في قهوة البستان حوالي الساعه 7 و عارف ان في ضرب للمسيره.. بس كنت فاكر تهويش زي كل مره – انا عرفت المعلومات من تويتر مش التلفزيون الفاشل – المهم رحت اشوف اللي بيحصل، لقيت نفس مشد معركة الجمل 2 فبراير..خفت شويه لأني كنت وسط العساكر و البلطجيه و ماكنش في ولا ظابط – تاني: ماكانش في ولا ظابط – كل العساكر اللي موجودين مسلمين لأنهم كلهم بيشتموا المسيرة باللفظ ده ” ولاد الوسخه السيحيين المعرصين ” … و بعتذر لأخواتي المصريين القبط على ذكر الشتيمه… و طول الوقت – حوالي ساعتين – كان العساكر بيضربوا اي حد..اي حد لمجرد انه مسيحي او شايل الصليب……..شفت بعيني مشهد هايطاردني باقي حياتي .. كانت ست و معاه طفل و جوزها شايلين صليب و واقفين في الجراج بتاع ماسبيرو ..فجأه هجم العساكر عليهم و ضربوهم التلاته و واحد كمان كان معاها طفل شايل الصليب من غير اي داعي و لا حتى رفعوا صوتهم – جدير بالذكر ان المكان ده كان كله بلطجيه و عساكر جيش و امن مركزي – المهم نزلوا فيهم ضرب بكل الوسائل ( إئلام و شلاليت و بونيات و ضرب العصيان ) و سامع الست بتصوت وانا مش قادر حتى اقول ده حرام.

و المشهد التاني لما كنت واقف على كوبري اكتوبر شفت 3 عساكر شايلين جثه و بيرموها في النيل و كان واقف معام ظابط شرط عسكريه..لما طلعت الكاميرا و جيت اصور لقيت عسكري بيقول ” امسكوا ابن المتناكه اللي معاه الكاميرا ده” بس جريت منهم لحد ما وصلت وسط البلد

الانتقام كان بين عساكر مسلمين – كلهم – و بين متظاهرين قبط – حتى لو كان بينهم مندسين – بس اقسم بالله ماحد من اللي اتضرب كان من المندسين لأن دول عارفين ان وقت الضرب بيروحوا في صف العسكر و البلطجيه و بكلمة سر كمان…الموضوع ان المجلس العسكري عمل مؤامره عشان يخلي امريكا العظيمه تقف جنب المسيحيين في مصر و تدافع عن الاقليات و طبعاً اخواتنا المصريين القبط لما يلاقوا المصريين المسلمين مش واقفين جنبهم و بيساندوهم …

العساكر دخلوا وسط البلد ورا الناس العاديه – نقدر نقول عليهم مصريين – و ضرب رصاص فشنك و غاز .. العساكر جريوا ورا الناس لحد ما وصلوا قهوة البورصه و كانوا بيضربوا اللي يشوفوه قدامهم..و اتضربت انا و اصحابي هناك

خلاصة القول: ان المجلس العسكري بتاع مبارك عايز يعمل وقيع بين الشعب و الشعب عشان يقدر يحكمنا و يحقق الفوضى اللي وعدنا بيها مبارك الجبان الكلب اللي متهني في المركز الطبي العالمي و احنا نا بنكح ترابيسقط حكم العسكر…يسقط كل الخونه

انا اسمي : راجي محمد الكاشف

24 سنه بشتغل مخرج على قدي

و رقم بطاقتي 2100655 العمرانيه – الجيزه انا ضحيت و كتبت معلوماتي لأني مش خايف حد يقتلني.. العمر واحد و الرب واحد و الوطن واحد….مصر

نشرت على صفحة الشاهد على فيسبوك يوم 10 أكتوبر الساعة 01:18 بعد منتصف الليل بعنوان “شهادتي حول احداث 9 اكتوبر – مذبحة ماسبيرو”.

اكتب تعليقُا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: