Skip to content

شهادة محمد الزيني

Mohamed Elziny’s Testimony in English

أنا كنت نازل رمسيس بالصدفة و رايح موقف أحمد حلمي كانت الساعة 6 بالظبط و لقيت الناس بتجري بداية من عند قسم الأزبكية كده لغاية نفق أحمد حلمي و كان في ناس كتير قوي شايلين سكاكين و سيوف بيمنعوا الناس انها تدخل عند النفق و واضح انهم من أهالي السبتية, المهم انا وصلت السبتية بعد ما المظاهرة اللي جاية من شبرا عدت خلاص و في طريقها لماسبيرو, لقيت كشك والع و عربية نقل متكسرة, سألت كذا واحد ايه اللي حصل سألت راجل كبير بس بان من كلامه انه بيكره المسيحيين المهم قاللي ان المسيحيين هم اللي عملوا الحريقة دي و كسروا العربية و قاللي كمان ان أهالي السبتية ضربوهم علشان كانوا بيهتفوا ضد الاخوان و السلفيين و كمان شاف معاهم سلاح خرطوش و العدد كان كبير جدا ما بين 30 ألف ل40 ألف .. سألت واحد مسيحي قاللي أهالي السبتة هم اللي اعترضوهم و ضربوهم كمان و قاللي انه شاف عربية ملاكي رمت مولوتوف على الكشك و جريت ..

أنا مشيت بعد كده و روحت عند ماسبيرو الساعة 6:30 تقريبا لقيت دم في كل حتة و ملحقتش المدرعة و هي بتدهس المتظاهرين بس شفت 4 جثث ملفوفين في ملايات و شفت مخ واحد على الأرض قدامي, المظاهرة أول ما وصلت كان معظمها مسيحيين بس بسرعة بقى في مسلمين و شفت شيوخ في المظاهرة, أنا كنت عند هيلتون رمسيس و كان في ناس عند ماسبيرو كان في ضرب هناك بس شوية و الضرب بقى عندنا من قنابل مسيلة للدموع بغباء لدرجة انها بقت بتنزل على كوبري أكتوبر وسط العربيات و صوت رصاص حي و أنا شفت والله العظيم فوارغ رصاص و عليها شريط أحمر و لما سئلت قالولي بتاع الشرطة العسكرية و شفت بعيني كمان ناس لابسين مدني في وسط الأمن المركزي و الجيش بيحموهم أصلا من الطوب اللي كنا بنحدفه عليهم, المدرعة جريت ورانا بس مخبطتش حد وأنا موجود, أنا مشفتش خالص بجد الخرطوش اللي مع المتظاهرين اللي بيتكلموا عليه ده, أنا مشيت من هناك تقريبا الساعة 9 بالظبط و اللي مماتش كان مصاب !

أنا قلت كل اللي شوفته والله من غير مبالغة

محمد سعيد


صورة صفحة طباعة الرسالة

صورة صفحة طباعة الرسالة


أرسلت يوم 13 أكتوبر الساعة 02:15 بعد منتصف الليل على البريد الإلكتروني في ملف منفصل, مرفق صورة صفحة الطباعة للرسالة و الملف المرفق
شهادة ماسبيرو.rtf

Advertisements
اكتب تعليقُا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: