Skip to content

شهادة أحمد منير

Ahmed Mounir’s testimony in English

قبل إي حاجه انا مكنتش موجود في ماسبيرو انا كنت موجود عند مستشفى القبطي بحكم انها جمب بيتي

سمعت من تويتر انهم محتاجين ناس تتبرع بالدم لبست ونزلت وحصل اللي حصل

قبل ماأحكي اللي حصل انا كنت متابع الاخبار من تويتر من قبل اي قناة ماتنقل الاحداث

وجمعت كل الاخبار الموثوق فيها من شباب اصحابي كانوا هناك واللي حصل بالظبط كالتالي :

اولا المسيرة كانت سلمية ومكانش المسحيين معاهم قطعة سلاح واحدة وقفوا يهتفوا عادي جدا

وكان معاهم مسلمين متضامنين معاهم

فجأة وبدون مقدمات دخلت المدرعات في مشهد قريب من مشهد يوم الغضب 28 يناير ودهست اعداد كبيرة

واللي مش مصدق يشوف الفيديو دة

http://www.youtube.com/watch?v=KJRMwXRoX2E

او يتفضل ينزل مستشفى القبطي برمسيس ويشوف الجثث اللي مدهوسه دهس

وبعدها بدأ المتظاهرين والجيش في مواجهات بس الجيش هو اللي بدأ بدهس المتظاهرين وقتلهم وأستفزهم

عشان يدخلوا معاه في مواجهات


ثانياً وده الاهم والأخطر التلفزيون المصري (الحقير) هو اللي أشعل الفتنة لانه نشر خبر

قتل جنود مصريين وصورّ للناس ان المسحيين بتقتل في الجيش لأ وذاع نداء للمواطنيين بالنزول

لحماية الجيش من المتظاهرين!!!!!

في دعوة صريحة لتأجيج الفتنة بين المسلمين والمسحيين

نرجع بقة لمستشفى القبطي : انا اول ماسمعت ان في ناس محتاجة تبرع بالدم نزلت وكان فيه تجمع كبير

لأهالي المسحيين عشان اللي ماتوا واللي اتصابوا وواقفين في أمان الله

لاقينا المواطنين أستجابوا لدعوة التلفزيون الحقيرة وبيهجموا على المستشفى بطوب ومسدسات صوت

وعصى خشب وقفت في النص بين المسلميين اللي جايين عالينا وبين المسحيين وقعدت أصرخ

ياجدعان انا والله مسلم ياجدعان التلفزيون كداب دول مات منهم ناس لحد ماصوتي راح

بتدور احوش عن المسحيين وبقولهم ارجعوا جالتي طوبة من المسلمين في دماغي والحمد لله أخدت غرزة

حسبي الله ونعم الوكيل في التلفزيون المصري وفي الجيش اللي دهس الناس


نشرت يوم 10 أكتوبر الساعة 03:13 فجراً على صفحة الشاهد على فيس بوك بعنوان “دم كل مصري في رقبة التلفزيون المصري .. شهادتي عن أحداث ماسبيرو”.

Advertisements
اكتب تعليقُا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: